Ispaniya kubokunda yarımfinalın cavab görüşlərinə start verilib.
"Atletik Bilbao" azarkeşləri önündə "Osasuna" ilə qarşılaşıb. Komandalar arasındakı ilk oyunda "Osasuna" 1:0 hesabilə qalib gəlmişdi. 33-cü dəqiqədə meydan sahiblərinin heyətində İnaki Uilyams fərqlənib. 90 dəqiqə ərzində başqa qol qeydə alınmadığından əlavə vaxt oynanılıb. Burada Pablo İbanesin qolu qonaqları kubok turnirinin finalına çıxarıb. Beləliklə "Osasuna" tarixində 2-ci dəfə İspaniya kubokunda final həyəcanı yaşayacaq. Komanda daha əvvəl 2004/2005-ci illər mövsümündə "Real Betis"lə həlledici matça çıxmış və 1:2 hesabilə məğlub olmuşdu.